زندگی میں کبھی کبھی ایسا ہوتا ہے کہ ہمارا مزاج بدل جاتا ہے۔ یہ تبدیلی چھوٹی سی ہو سکتی ہے یا گہری، مگر اکثر ہمارے ارد گرد کے لوگ اسے محسوس کر لیتے ہیں۔ کبھی ہماری باتوں کا انداز ہمارے جذبات کے برعکس نکل آتا ہے اور ہم اپنے اندر چھپے احساسات کو صحیح طرح بیان نہیں کر پاتے۔ ہم تلخ یا سخت الفاظ بول بیٹھتے ہیں، حالانکہ دل نرم اور حساس ہوتا ہے۔
ان لمحوں میں ہم اکثر روتے ہیں، دل تھک جاتا ہے، اور ہر چیز میں اپنی ہمت و خواہش کھو بیٹھتے ہیں۔ ہر انسان کی زندگی میں ایسے لمحات آتے ہیں جب دل کے اندر چھپی کہانی، چھپی تکلیف اور چھپی خواہشیں کسی کو نہیں بتائی جاتیں۔ یہ وجوہات اکثر ہمارے اندر ایک چھپی ہوئی ناول کی طرح رہ جاتی ہیں، جو ہم کبھی کسی کے سامنے نہیں کھولتے۔
ایسی حالت میں، خاموشی ایک نعمت کی مانند ہوتی ہے۔ یہ خاموشی نہ صرف ہمارے دل کو سکون دیتی ہے بلکہ ہمیں برداشت کرنا سکھاتی ہے۔ وہ دل جو برداشت کرتے ہیں، جو اپنے درد کو اپنے اندر سہتے ہیں، وہ حقیقی طور پر مضبوط اور عظیم ہوتے ہیں۔
:اس سے ہمیں یہ سبق دیتا ہے کہ
ہر شخص کے اندر چھپی کہانی ہوتی ہے، اور ہمیں دوسروں کے اندر چھپی تکلیف کا احترام کرنا چاہیے۔ –
خاموشی کبھی کمزوری نہیں بلکہ صبر اور بردباری کی نشانی ہوتی ہے۔ –
دل کی برداشت اور سکون کے ذریعے ہم اپنی زندگی میں توازن قائم رکھ سکتے ہیں، اور دوسروں کے لیے بھی امن اور محبت کا-
ذریعہ بن سکتے ہیں۔
آخرمیں سلام ہو اس خاموشی پر، اور سلام ہو اُن دلوں پر جو برداشت کرتے ہیں، جو روتے ہیں، مگر پھر بھی ہنسنے، جینے اور امید رکھنے کا حوصلہ رکھتے ہیں۔ ایسے دل نہ صرف اپنی زندگی میں روشنی بکھیرتے ہیں بلکہ دوسروں کے دلوں میں بھی سکون
اور حوصلہ پیدا کرتے ہیں۔
محمد افراہیم بٹ۔
