اذنِ سفر

شام ہونے کو ہے…
اداسیوں کے موسم میں،
روح کا زخمی، اداس پنچھی
اپنے ماحول سے اکتا کر
کبھی کبھی اذنِ سفر مانگتا ہے۔

جیسے تپتے ہوئے صحرا کا مسافر
بگھولوں کی دہشت سے گھبرا کر،
سرابوں کے بے رحم سمندر سے
کسی گھنے پیڑ کا سایۂ شجر مانگتا ہے۔

میری سوچوں کی انگلی تھامے
یہ بے قرار دل، یہ آوارہ خیال
کوہِ قاف کے سفر پر نکلا ہے،
جہاں حسن کی نگری میں
بدیع الجمال کا جلوہ ہے،
جہاں خوابوں کی سرزمین پر
سیف الملوک اذنِ سفر مانگتا ہے۔

اِفری