قومی کردار اور ایماندار قیادتیں
جنگِ عظیم کے بعد جب جاپانی یورپ میں گھومتے تھے، تو مغربی لوگ انہیں کیمرہ تھامے تصویریں بناتے دیکھ کر ہنسا کرتے۔ لیکن وہی جاپانی اپنی ری انجینئرنگ، محنت اور عزم کے ذریعے دنیا کو حیران کن ترقی کا نمونہ پیش کر گئے۔ اُن پر بھی کبھی کوالٹی کے حوالے سے الزامات لگے، جیسا کہ آج کل چین پر لگتے ہیں، مگر آخرکار وہ دنیا پر چھا گئے۔
الحمد للہ، دبئی (متحدہ عرب امارات) کو آزادی حاصل کیے زیادہ وقت نہیں گزرا، مگر اس صحراء کو اس کی ایماندار اور مخلص قیادت نے غیر معمولی عزم و حکمتِ عملی کے ساتھ ایسی ترقی کی مثال بنایا ہے، جس نے دنیا کو بہت کم مدت میں حیران کیا۔ آج دبئی جدید دنیا کے نمایاں نمونوں میں شمار ہوتا ہے۔
چینیوں کو کبھی “نشئی” اور کبھی “دو نمبر سامان بنانے والی قوم” کہا گیا۔ لیکن آج چین نہ صرف ایک عظیم تجارتی مرکز ہے بلکہ جدید عسکری اور صنعتی طاقت بھی ہے۔ اُن کی حالیہ فوجی پریڈ نے دنیا کو ان کی قوت کا عملی مشاہدہ کروایا۔
دنیا کی تاریخ ہمیں یہ سبق دیتی ہے کہ قومیں اپنی ایماندار اور مخلص قیادت، قومی غیرت و جذبے، اور دور اندیش حکمتِ عملی کے ذریعے ترقی کرتی ہیں۔ یہی قومیں اپنی مصنوعات خود تیار کرتی ہیں یا خریدنے کی طاقت رکھتی ہیں۔
ترقی کبھی بیمار سوچ، بھکاری پن یا دوسروں کے سہارے سے حاصل نہیں کی جاسکتی۔ ترقی اُنہیں ملتی ہے جو خود پر بھروسہ کرتے ہیں، اپنا کردار بناتے ہیں، اور واضح نصب العین کے ساتھ دنیا کو اپنی محنت اور حکمت سے حیران کر دیتے ہیں۔
اِفری
